Tilvitnun dagsins

2006-07-19T14:00:00.000Z

Andátsfregnir

2006-06-17T17:18:00.000Z

forystugeitin.blogspot.com hefur hér með verið lögð niður....
- Þakka samveruna á liðnum árum.

Ný starfsemi forystugeitarinnar er á vefsvæði bloggar.is undir notendanafninu astamaria

astamaria.bloggar.is

Gleðilegan 17. júní

2006-06-17T15:07:00.000Z

....

Pakkastelpa

2006-06-16T18:30:00.000Z

Fékk gjöf í dag. Magnús Orri aðeins að taka forskot á edrúafmælisdaginn og gaf mér nýjan Ericsson síma. Ég er þræl ánægð með hann, símann og karlinn minn:)
Erum annars orðin spennt fyrir afhendingunni á Súlutjörn 19 (samt ekki fyrr en í september). Kvörtum svosem ekkert yfir foreldrum okkar (enda dekrað við okkur á báðum stöðum), en það verður þægilegt að komast í eigið húsnæði. Ætti kannski að skreppa með strákinn vestur til pabba og kynna þá áður en við byrjum að búa saman. Pabbi þarf eiginlega að samþykkja strákinn fyrst (hef nú samt ekkert mikið farið eftir því sem foreldrar mínir segja, en samt;) Hvað segiru annars um það pabbi?

Helgin verður blaut miðað við veðurspár og fyrri daga. Ætlum upp á Skaga í kvöld og hafa það notó með Lív Ásu og krökkunum. Ekkert planað fyrir morgundaginn og svo verðum við bæði að vinna á sunnudeginum (edrúafmælisdeginum). En núna er ég farin að leggjast á bæn og panta gott veður fyrir ykkur!

Góður draumur mar...

2006-06-15T11:46:00.000Z

Mig dreymdi svo vel í nótt að ég ætlaði bara ekkert að koma til baka. Var úti á Spáni í sólinni og var orðin svo fallega brún og veðrið var svo yndislegt. Svo rumska ég og heyri í vindinum gnauða úti og ég klemmi aftur og augun og næ að koma mér suður til Spánar í smá stund í viðbót. Hvítur sandur og gullin sólin léku við mig og ég næ að verða meira brún og njóta þess að liggja með svalandi drykk á ströndinni aðeins lengur. En þá kippir mér e-ð til baka (held að það hafi verið blessað hunds greyið) og ég glaðvakna. Engin sól, ég alveg jafn hvít og þegar ég fór að sofa í nótt og Magnús Orri hrjótandi við hliðina á mér.

Gott að láta sig dreyma

Veður smeður

2006-06-14T13:24:00.001Z

Hvenær kemur sumarið??? Vaknaði við að það var drasl fjúkandi út um allt hérna bakvið á Kristnibrautinni. Nenni ekki að hafa svona sumar.

Fæ þriggja daga frí frá og með morgundeginum og það er ekki einu sinni mín helgarfríhelgi. Frí á lau vegna 17. júní, vaktafrí á föstudag og svo bað Sigga mig um að skipta við sig þannig að ég fæ frí á fimmtudeginum vegna skiptanna. Næsnæsnæs. Veit ekkert hvað ég á að gera af mér í öllu þessu fríi;)

Hvert á að fara um verslunarmannahelgina og fyrstu helgina í júlí?

Manns eigið

2006-06-12T12:15:00.000Z

Mér finnst alveg stórmerkilegt hvað rúmið mitt er hrikalega þægilegt þegar ég er búin að vera frá því í e-n tíma. Blóta því þess á milli. Fermingarúmið hefur þó staðið sína plikt í gegnum árin og ég var þræl ánægð með það alveg þangað til að Maggi kom til sögunnar. Ekki beint rúm fyrir tvo.

Annars rættist útileguveðurspáin EKKI. Við fengum ský og rigningu og svo langaði fortjaldinu á hjólhýsinu ekki með okkur í ferðalagið þannig að þetta varð aðeins minna kósý en ég var búin að vona. Ferðinni var heitið á þriggja stjörnu tjaldstæðið á Bakkaflöt í Skagafirði. Frábær aðstaða og við mælum með henni sem og sundlauginni sem er þarna alveg rétt hjá. Eini gallinn var að í kvennaklefanum er langur gluggi hátt upp við loftið beint við sturturnar. Bak við gluggann situr svo sundlaugavörðurinn (strákur) og við biðum allan tíman eftir því að sjá andlit í glugganum. Á laugardeginum kíktum í heimsókn á Hóla aftur og fengum að sjá vatnalífssýninguna sem Marinó og Ragna vinna á. Sá e-n stórskrýtin afrískan lungnafisk sem ég get því miður ekki sýnt ykkur mynd af því myndavélin gleymdist í vagninum. Svo kíktum við með Þóru og Erni Leó á Siglufjörð að heimsækja pabba hennar Þóru. Það varð mikið ævintýri úr því og þau hjón buðu upp á þræl gott kaffi og pöntuðu pizzu á liðið (strákarnir sáttir með það). Vöknuðum á hádegi á sunnudag við leiðindar úrkomu og fórum eiginlega beint í það að ganga frá öllu RENN blauta dótinu. Komum heim rétt fyrir kvöldmat og grilluðum svo matinn sem við ætluðum að grilla um helgina en gafst aldrei tími til að grilla.

Það kemur ekki betri tíð!

2006-06-09T14:18:00.001Z

Þvílíkur lúxus allir þessir frídagar undanfarið. Helgarfrí hverja helgi síðan ég veit ekki hvenær. Ætla líka að njóta þess að fara í útilegur hverja helgi og jafnvel skella mér vestur fyrir haustið. Erum að leggja í hann seinnipartinn með Þóru og tríó af strákum. Förinni er heitið í Skagafjörðinn í útilegu með tjaldvagn og tjöld. Grill, fótbolti, yatsi og sund.

Er komin með slatta af myndum síðan í vor, hendi þeim inn við tækifæri.

Geðveikt væri ég til í rafting, eru þið með e-ð í sumar??

Það var og...

2006-06-06T00:36:00.000Z

06.06.06. Afmælisdagur litla brósa er runninn upp. 21 árs kappinn! Til hamingju með daginn segjum við.

Aðrir sem eiga afmæli í dag eru:
Ásbjörn Morthens
Skúli pabbi Maríönnu
Brynjar Ævar

Ég er annars komin heim eftir góða helgi með mínum ástkæra. Fórum norður og hittum Helgu, Hauk, Ragnhildi Guðrúni og Marinó. Spiluðum Jungle Speed og grilluðum. Næstu helgi förum við svo í útilegu með Jón Ágúst og Einar Örn. Hrikalega er ég orðin fjölskylduvæn:)

Að flýja veruleikann...

2006-06-02T12:23:00.000Z

ekki er til neins!

Það verður magnað að komast úr borginni í tveggja daga frí. Magnús Orri stakk upp á ferðalagi norður á Sauðárkrók og þar sem ég er í fríi sunnudag og mánudag var ég meira en til. Rómantísk helgi hjá okkur á hóteli og svo ætlum við að kíkja á Rögnu og Marinó, snattast á Akureyri og ég ætla að kíkja í heimsókn til Viktoríu!

Ferðalög helgi eftir hegli

2006-05-31T22:12:00.000Z

Er að fara norður. Loksins komið að því Viktoría! Keyrum eftir vinnu á laugardag og verðum fram á mánudag.

Engin fyrirsögn

2006-05-29T01:39:00.000Z

Það er svo yndislegt að vera komin heim að mér er skapi næst að fara til útlanda einu sinni í viku til þess eins að upplifa þessa tilfinningu oftar. En eitt er víst, fer aldrei aftur til útlanda án fjölskyldumeðlims eða vini/vinkonu. Það er bara ekki eins að upplifa góða hluti þegar maður hefur ekki ástvini hjá sér. Skil Hauk og Ævar ómögulega. Ferðast einir um allar trissur í heiminum. Sem minnir mig á að spyrja fólk hvort að það hafi heyrt af Ævari. Týndur?

Fer að vinna aftur á þriðjudaginn. Jæks. Afhverju tók ég ekki lengra sumarfrí? Muna næsta sumar að sumarfrí eru af hinu góða, ekki ávísun á að leiðast!

Maggi kemur heim á morgun. Erum mjög ánægð með það. Komið nóg af útlöndum í bili.

Svífum í draumi vængjalaus...

2006-05-27T19:24:00.000Z

Loksins komin heim. Kosningadagur, heimkomu dagur minn, afmælisdagurinn hennar Viktoríu og fæðingardagur frumburðar Lísu bekkjarsystur. Margt skemmtilegt við þennan dag.

Þurfti að borga 30 dollara í yfirvigt. Bömmer.

Sá Nicole Kidman í gær. Merkilegt? Já! Það var mjög spes lífsreynsla að sjá svona fræga manneskju;) Horfði í augun á henni og hún labbaði 1 cm framhjá mér! Hún gisti á hótelinu sem ég var á. Bjargaði mission ferðarinnar. Missionið var að sjá einhvern frægan og ég sá hana 5 mín áður en við logguðum okkur út af hótelinu!

Jæja mín kæra Viktoría, til hamingju með daginn og Lísa til hamingju með frumburðinn. Eigið góðan dag og njótið þess að vera mömmur!

Ég held ég gangi heim

2006-05-25T03:23:00.000Z

Þarna sést Brooklyn

Ég er engin heimsborgari. Ég þrái íslenskt vatn til að tannbursta mig með og íslenskt loft til að anda að mér! En ég á samt eftir að fara einu sinni enn á Times Square og 34th street að versla og þá get ég komið heim. Fann líka Diesel búð hérna rétt hjá sem ég ætla að rölta í á morgun.

Dagurinn í dag var ekkert frábrugðin öðrum dögum. Verslanirnar voru heimsóttar. Kíktum á Times Square í Virgin megastore, Element og Billabong. Auðvitað var farið í dótabúðir í leiðinni og svo stefnan sett á Century 21 sem að ég varð fyrir miklum vonbrigðum með. Fann EKKERT þar.. er enginn gramsari. En var mjög ánægð þegar við kíktum á South Street Seaport og ég fann búð sem heitir Expert. Flott föt og verslaði mér föt sem ég notaði í kvöld. Fórum út að borða til að fagna því að Brynja, systir hennar Hildar varð útskrifast úr e-u námi hérna. Fórum á geðveikan stað sem heitir Ventos sem er veitingastaður á milli Chealse og Greenwich village. Við snúllurnar erum samt komin heim upp á hótel og þær eru sofnaðar.

En Sigurða til hamingju með daginn þótt seint sé:) 22 ára skvísa! Systir Hildar fæddi svo strák í dag og því var tvöfalt gleðiefni í kvöld.

Day six in the city

2006-05-24T01:30:00.000Z

Skemmtigarðurinn í Central Park...

Fórum í Soho í dag. Fórum í brunch á stað sem heitir Balthazar. Þangað fer celebið að borða. Sá samt engan frægan því miður. Keypti mér e-ð smotterí og svo hef ég bara verið að hafa það notalegt upp á hóteli. Nóg af sjónvarpsrásum til að horfa á.

Er ekki alveg að nenna að gera neitt túristalegt. Langar alveg að sjá Empire state building en nenni ómögulega að bíða í röðinni. Margir að mæla með einhverju Sex in the city túr en ég hef aldrei verið neitt fan svo ég ætla ekkert að byrja á neinu núna. Á morgun ætla ég bara að kíkja aðeins í mini mollið hérna rétt hjá og kaupa mér e-ð í Esprit og reyna að kíkja á fimmta í Billabong og mtv store. Century 21 er líka möst sem verður að gerast áður en ég fer heim. Nenni samt ekki ein þangað!

Ekkert að frétta af heiman? Hlakka til að koma heim. Kem með góða veðrið með mér, tók það víst með mér til New York þannig að ég verð víst að skila því aftur!

Sumarið er tíminn

2006-05-22T17:45:00.000Z

Ég á Times Square

Nótt 4 af 8 lokið. Á enn eftir að skoða Empire state building, Century 21, Chinatown og Soho. Nægur tími til stefnu. Flug kl. korter yfir átta á föstudagskvöldið og lendi um hálf sjö á laugardagsmorguninn! Á ennþá nægan pening svo að ég verð ekki alveg fátæk þegar ég kem heim!

En það er svo sannarlega komið sumar hér í New York borg. Allt grænt og sólin hátt á lofti. Ég sit hérna upp í stofu og nýt útsýnisins. Er með svo hræðilegt kvef að ég er að farast. Búi að taka inn e-ð kveflyf sem að school teacher fann upp. Hún var víst orðin svo hrikalega þreytt á að vera alltaf kvefuð og börnin sömuleiðis þannig að hún skellti sér út á rannsóknarstofu og bjó til kveflyf sem er orðið eitt það vinsælasta í Bandaríkjunum. Hún er örugglega ekkert að kenna lengur... nýtur örugglega bara ágóðans á sólríkri strönd á Bahamas.

Vildi að þið gætuð séð matvöruverslunina sem er hérna rétt hjá, Whole foods. Hún er GEÐVEIK. Hagkaup kemst ekki 1/100 nálægt þeirri búð í gæðum og flott heitum. Þið ættuð að sjá grænmetið, ávextina, fiskinn, kjötið, ostana.. bara allt. Helst vildi ég versla inn þarna áður en að ég kem heim en það er víst ekkert vinsælt!

Förum út að borða á einhverju næs steikhúsi í kvöld. Hlakka til að fá gott kjöt. Nema að ég verði orðin svo lasin að ég verði að vera heima, þá fæ ég mér bara roomservice samloku sem er geðveikt góð.

Þvílíkur lifnaður á manni...

2006-05-21T02:28:00.000Z

Lífið er ansi ótrúlegt þessa dagana. Blússandi hamingjuferð alla daga. Sit hér á efstu hæð hótelsins og horfi á Central Park og NY ljósin í öllu sínu veldi. Lappirnar upp á gluggakistu, tölvan í fanginu og rassinn í þægilegum stól til að nýta útsýnið:)
Ég er þó ekki frá því að það bóli á heimþrá;)

En þrátt fyrir að vera með þessa heimþrá þá get ég ekki kvartað undan félagsskapnum, hér er ég eins og ein af kóngafólkinu og mér er vel tekið. Fórum t.d á 34th street og Broadway að versla í dag. Kíkti í Victoria´s secret, H&M og Crate & Barrel. Keypti geðveikt mikið í VS og geðveikt pils í H&M og svo keypti ég í búið í C&B. Fórum líka í búðir eins og Prada og Armani. Átti ekki mikið heima í þeirri deild, en þess má geta að flestir búðargesta í Armani voru Asíubúar. Minnir mig á að deila því með ykkur að afgreiðslufólkið í NY er eitt það smeðjulegasta og mest uppáþrengjandi sem ég hef kynnst og að á morgun ætla ég í Century 21 og á aðal búðargöturnar til að versla frá mér allt vit.

Jæja er farin að njóta þess sem lífið hefur upp á að bjóða. Bið að heilsa heim í heiðardalinn.

Dagur 3 í New York

2006-05-20T13:17:00.000Z

Við Sara erum vaknaðar hérna eldsnemma. Hún svaf upp í hjá mér, ótrúlega notalegt. Fórum bara fram að horfa á Dóru á spænsku.

Dagurinn í dag verður nýttur í verslunarleiðangur um 34th street. H&M, Victorias secret og fleiri búðir þar sem maður getur gleymt sér!
En í gær fórum við til Connecticut í grillveislu. Þvílíkan dýrindis mat fengum við. Grillað Nevada naut með góðri Bernaise sósu. Ég borða nú aldrei svoleiðis sósu en þessi var svo góð að ég gat ekki annað. Ég er líka búin að fara tvisvar í limma. Haldið að það sé stjörnulíf hérna:)

En ætla að henda mér í sturtu og borða. 34th street bíður eftir mér!

Jæja þá er komið að þessu...

2006-05-18T12:53:00.000Z

Stúlkan er að leggja í hann bráðlega. Finn ekki fyrir spenning en vitaskuld hlakka ég til. Þetta er bara svo óraunverulegt. Eitthvað plan er komið upp og við byrjum morgundaginn á því að fara í limmu út í sveit fyrir utan NY. Þar ætlum við að eyða deginum í sundlauginni og á bakkanum með kokteila (óáfenga auðvitað). Svo verður grillað að hætti Íslendinga. Þetta er í boði eins Íslendings sem býr þarna. Þetta verður ljúft líf. Gott veður fylgir víst með.
Við erum einnig búin að plana að fara í dýragarðinn sem er fyrir utan borgina einn daginn. Það verður í fyrsta skipti sem ég fer í dýragarð fyrir utan Húsdýragarðinn. Svo verður verslunardagur hjá dömunni og ég ætla líka að kíkja e-ð guide túr um Manhattan. Vonum bara að Jón Víðir standi við það að sýna mér helstu staðina.

En ég er farin. Strax farin að sakna Íslands. Hversu heimakær getur maður verið?

Jahá...

2006-05-16T19:04:00.000Z

Hvaða manneskja veit mest um þig : Berglind Mjöll

Hverju er þér stritt mest útaf : Feimni.. (ótrúlegt en satt)

Hvaða vini þina hefur þú þekkt lengst : Evu Ólöfu og Helenu

Hvaða vini þina hefur þú þekkt styðst : mmmmm... Ölmu Ýr og Magnús Orra

Hvaða vinur þinn er fyndnastur : Alma Ýr og Berglind átti eitt þræl gott kvöld hérna í den!

Hvaða vinur þinn er feimnastur : Vinir mínir teljast nú ekki til feimna fólksins!

Hvaða vinur þinn veit mest um þín vandamál: Berglind Mjöll og Þóra

Klárasti vinur þinn : Magnús Orri án efa...

Hvaða vin saknar þú mest: Birgittu Daggar

Hvern talar þú mest við á netinu : Magnús Orra

Síðasta manneskja sem þú talaðir við á netinu : Magnús Orri

Hvern talaðiru seinast við í símann : Magnús Orra

Hverjum treystiru best : Berglindi Mjöll, Þóru og Magnúsi Orra

Hvern rífstu mest við : Sigurvin bróðir..

Hver er ljúfasti vinur þinn : Magnús Orri

Besti Söngvarinn : Berglind Mjöll

Hvaða vini þínum finnst þú alltaf vera skrítin : Ég? Skrýtin? Aldrei!

Hver er háværasti vinur þinn : góð spurning.. Helena Hrund myndi ég segja. En samt er hún ekkert svo hávær.

Heima hja hvaða vini varstu seinast: Magnúsi Orra og svo Berglindi og Ölmu Ýr.

Með hvaða vini þínum ertu örugg með : Jah, öllum. Væri nú ekki mikið að hanga með fólki sem mér liði illa með!

Þekkja vinir þínir þig : Ættu að gera það.. Edda Katrín mætti taka sig á;)

Síðasti vinur sem þú fórst í búðir með : Fór seinast í búðir með Magnúsi Orra og Sigurvin.

Síðasta manneskja sem sveik þig : Þið vitið það sem eigið að vita það....

Siðasta manneksja sem hryggbraut þig : Svar að ofan

Hvaða vinur þinn olli þér vonbrigðum : Enginn hefur ollið mér það miklum vonbrigðum að ég muni það ennþá.

Manneskja sem saknar þín : Eini sem ég veit um er Magnús Orri, alltaf;)

Seinasta manneskja sem þú hugsaðir um : Magnús Orri

Seinasta manneskja sem þú týndir: Birgitta Dögg

Seinasta manneskja sem þú elskaðir: Fyrir mig að vita og þig að finna út!

Hverjir eru þínir albestu vinir: Berglind Mjöll og Magnús Orri er að ná því líka

Hver er flippaðasti vinur þinn? Edda Katrín...

Hvaða vinur þinn huggaði þig síðast þegar þú grést? Man nú ekki eftir að hafa grátið fyrir framan vin minn í þrjú ár en þá var það Birna Hjaltalín.

Seinasta manneskja sem bjargaði deginum fyrir þér : Gísli og Hanna Ragnheiður í vinnunni bjarga alltaf deginum í vinnunni með því að vera þau sjálf.

Skora á ykkur að gera þetta líka;)

so easy to say..

2006-05-16T02:24:00.000Z

so many people to love in my life... Ben Harper klikkar ekki.
Það gerir veðrið í Reykjavík ekki heldur. Langaði ekki lítið í rómantískan göngutúr um Ægissíðuna í kvöld. Verst að Maggi var að vinna. Veit að hann hefði komið með mér.

Er að grúska í tölvunni. Finna tónlist á I-podinn fyrir flugið. Þarf eiginleg að gera tékklista svo að ég gleymi ekki neinu. Það væri eftir mér að gleyma snúru fyrir I-podinn og hleðslutækinu fyrir myndavélina. Má bara alls ekki klikka. Varð batterylaus fyrsta daginn í Köben fyrir jólin. Langar ekkert mikið til þess að lenda í því aftur. Er alveg hætt að spá í hvað ég ætla að gera í NY. Það ræðst bara af veðrinu, fólkinu og staðnum. Er stelpa þannig að auðvitað finnst mér mest spennandi að versla. Langar samt líka að sjá það helsta. Vona að Jón Víðir nenni að koma með mér e-ð eins og hann var búinn að segja.

Annars var helgin ósköp fjölskylduvæn. Jón Ágúst var hjá pabba sínum svo að við vorum frekar róleg. Kristinn Haukur kom til frænku sinnar á laugardaginn og við vorum í Njarðvík mest allan daginn. Kíktum á kaffihús með Þóru og sýndum henni íbúðina sem verður tilbúin í haust. Svo var grillað á Kirkjubrautinni og kíkt í heimsókn til Unnar og Árna þar sem að krakkaskarinn naut sín í veðurblíðunni á meðan fullorðna fólkið skrafaði. Svona á lífið að vera. Minnti mig á den tid í Bolungarvík.

Á mæðradaginn (sunnudag) fórum við og keyptum blóm fyrir mæður okkar og kíktum í kaffi til mömmu (heim). Einar Örn kom með okkur og við kíktum í Hátröðina eftir kaffið. Einhverneginn enduðum við í keilu þar sem að ég gerði einhverjar fellur mér til mikillar gleði. Maggi þurfti samt auðvitað að vinna en ég var í öðru sæti. Alltaf að bæta mig þrátt fyrir að vera ekki með tæknilegustu skotin í bænum. Í lok Reykjavíkurferðarinnar fórum við Einar Örn á Kentucky, brunuðum svo suður eftir í sæluna og ég, Maggi og mamma hans enduðum kvöldið í pottinum.

Klipping, pakka niður, kaupa gjaldeyrir, tékklisti, kaupa skó... ekki á morgun, ekki hinn heldur hinn verð ég í NY city á hóteli Mr. Trump. Kíki í Central Park og leyfi ykkur heima að öfunda mig og sakna mín:)

Vel ættað fólk...

2006-05-14T22:19:00.000Z

Vissuð þið að það eru aðeins fjórir dagar í NY city.

Annars er þetta búin að vera frábær helgi. Núna sitjum við Einar Örn í tölvunni í hjartaherberginu á Kirkjubrautinni. Maggi var að klára bílinn minn, ánægð með það. Tók sinn tíma að koma því í verk en svo gekk það líka bara svona vel. Svo er planið að keyra til Reykjavíkur í þriðja skiptið í dag með veislugestina á Kirkjubrautinni. Ég er orðin þræl vön að keyra brautina og það á flotta bílnum hans Magga. Maggi fær bara að hafa minn:)

Fer í sumarfrí á miðvikudaginn og er þræl sátt við það. Kem svo til vinnu á þriðjudeginum eftir tvær vikur. Yndislegt. New York í öllu sínu veldi og svo tveir-þrír dagar í róleg heit. Verst að karlinn verður einhversstaðar í Svíþjóð þegar ég kem heim. En við lifum það nú af.
...
En hér er ein mynd fyrir strákana í boði Einars Arnar. Njótið vel...

Svona á það að vera

2006-05-12T09:03:00.000Z

Sól, logn, fólk, heitur pottur, kaffi, gamlir karlar skrafa saman... hvað er meira kósý en það kl. átta á morgnanna? Ekki margt skal ég segja ykkur. Ætla líka að skella mér með Hönnu Ragnheiði í pottinn eftir vinnu. Ætli það verði komin stórhríð þá? Vonumst amk til að geta sleikt geisla sólarinnar í einhvern tíma og fara svo heim að leggja okkur. Er í helgarfríi ef að ég tel ekki með þessa átta tíma um helgina sem fara í 10-11. Síðsta skiptið um ævina. Ekkert svona aftur.

Ég kíkti til Þóru í kaffi á meðan Maggi var á æfingu í gærkvöldi. Bestu kaffispjöllin fara fram hjá Þóru þannig að ég er þræl ánægð með að vera komin með annan fótin á Suðurnesin.

Ætla að reyna að redda nmér grilli og grilla á morgun. Ertu til í það?

Fermingarafmæli, hellidemba og orlof

2006-05-11T12:12:00.000Z

Í dag eru níu ár frá því að ég og bekkjarsystkini mín fermdumst í Hólskirkju. Til hamingju við.

Í dag kom líka ein mesta hellidemba sem ég hef lent í á Íslandi og mér sýnist þessi demba vera að breytast í haglél.

Síðast en ekki síst:Í dag er 11. maí, fyrir ykkur sem tókuð ekki eftir. Til hamingju við sem fáum orlofið okkar í dag:)

Sælt er að eiga sumarfrí

2006-05-11T09:21:00.000Z

Tek mér sumarfrí í 12 daga þetta árið. Þeir fara allir nema einn í N.Y ferðina. Kannski ég geti krunkað út einn og einn dag til að lengja fríhelgarnar líka. Maggi er t.d búinn að fá tjaldvagninn hjá pabba sínum eina helgina í júní og við ætlum að skella okkur í útilegu. Þá væri fínt að fá einn aukadag yfir helgina. Ekkert varið í að fara í útilegu út á land í tvo daga.

Annars er ég hrikalega andlaus bloggari þessa dagana. Nóg að gera annað. Fórum t.d og keyptum myrkvatjöld í herbergið mitt. Kannski ég geti sofið e-ð í sumar. Ekki alveg normalt hvað það er mikil birta í herberginu mínu eftir kl. tvö á nóttunni. Er svo vöknuð fyrir allar aldir eftir fjögurra tíma svefn. Arg...

N.N

2006-05-08T00:35:00.001Z

Tíminn líður hratt á gervihnattaöld...
Já það má sko aldeilis segja það. Tíminn líður alltof hratt. Ég er að verða 23 ára gömul og búin að vera edrú í næstum því þrjú ár. 34 og 1/2 mánuð til að vera svona meira nákvæm. Litli bróðir minn er að verða 21 árs og stóri bróðir minn er orðinn 33 ára. Aldur segir nákvæmlega ekki neitt. Litli bróðir verður alltaf litli bróðir og stóri bróðir verður alltaf tvítugur. Mér finnst ekki svo langt síðan að ég fékk gat á höfuðið eftir að Stefán Atli reiddi mig hjálmlausa niður Höfðastíginn og finnst eins og það hafi gerst í gær að ég og Helena tjölduðum út í garði á Heiðabrúninni með Arnari Jóhanni og ég fór inn á miðnætti því ég þorði ekki að sofa hjá pöddunum. Helena er enn að minnast á það að ég hafi skilið hana eina eftir;) Svo man ég þegar að Dóri Valla bakara var að taka mig á háhest (ekki mikið eldri en sjö ára og hann átta ára) fyrir utan Holtabrún 12 og hann missti mig og ég fékk blóðnasir. Einu sinni fórum ég og Helena líka með pabba og Sigurvin út á sSand og Helena datt næstum því í RISA fossinn;) hehe, þú færir að hlæja ef að þú sæir RISA fossinn í dag Helena mín:)

En þrátt fyrir ellimerkin þá er ég bara spræk. Frí á morgun. Ohh hvað ég ætla að njóta þess. Þrífa bílinn er nr. 1 á to do listanum. Ætla líka í ljós, kíkja í Grindavík og kíkja á línuskauta ef að veður leyfir. Maggi var líka eitthvað búinn að lofa að kíkja á dekkin á bílnum mínum við tækifæri. Sjáum til hvernig það verður. Amk verður bíllinn minn orðinn hreinn á slaginu eitt á morgun. Lofa.

Ósk

2006-05-06T17:05:00.000Z

Ég fæ allt sem ég bið um... var ekki alveg að nenna í vinnu í veðrinu sem var fyrripartinn í dag. Óskaði þess heitt að það kæmi rigning og hitinn myndi lækka (eigingirni já)... og viti menn. Núna er rigning og fimm gráðum kaldara heldur en þegar vaktin hófst.

15 dagar

2006-05-03T13:52:00.000Z

Það hefur sýnt sig og sannað að ég er ekkert efni í hjúkku, lækni eða neitt það sem tengist því að maður sjái blóð á hverjum degi. Sem er allt í lagi því ég ætla mér hvort eð er ekkert inn í heilbrigðisgeirann. Fór í morgun og tók þátt í rannsókn. Það fylgdi því blóðtaka í RISA glas og svei mér þá, kom sjálfri mér á óvart með því að horfa á handlegginn á mér þegar hún stakk RISA nálinni inn og blóðið gutlaði ofan í RISA glasið. Duglega stelpan ég. Var ekki eins heppin og Sigurvin og mamma, þau fengu TVÆR nálar í sig.

Núna er að koma í ljós að ég þarf að fá nýtt vegabréf. Eins gott að hafa það á hreinu svo að maður komist svo með til NY. Leiðinlegt að var stoppuð á vellinum; því miður, þú ert ekki með fullnægjandi vegabréf! Þetta henti eina stelpu sem ég veit um og hún fékk sko alls ekki neina undanþágu og þurfti að bíta í það súra epli að vera heima á meðan fjölskyldan fór í verslunarferð til NY.

Lagaði tenglana mína, e-ð farnir að ryðga sýndist mér!

in your mind

2006-05-01T23:38:00.000Z

Þræl fín helgi yfir staðin. Löng helgi. Byrjaði helgina á því að fara í Kringluna með Magga og Sigurvin og ætlaði sko að versla. E-ð gekk það nú lítið og ég keypti bara nauðsynjar Sigurvin sá algjörlega um eyðsluna enda keypti hann sér Diesel buxur, Pumaskó og bol, duglegur að versla sér föt til að vera í þegar hann fór svo til London á laugardaginn (er á leiðinni heim í þessum skrifuðu orðum) Gerðist líka svo merkileg að horfa á tvo tíma af King Kong á föstudagskvöldið og telst það stór afrek fyrir mig að tolla fyrir framan imbann í tvo tíma samfleytt án þess að taka pásu. Kláruðum svo myndina á laugardagskvöldið.
Úff.. gerði helling um helgina. Fór t.d í staffpartý á laugardagskvöldið eftir að hafa passað í sex tíma í Tjaldanesinu. Fékk gjafabréf á Fridays sem kemur að góðum notum og svo kíktum við til Keflavíkur og sóttum Berglindi Mjöll sem fór á e-ð Splash partý. Sunnudeginum eyddi ég hjá Berglindi á meðan Maggi dyttaði að íbúðinni hjá henni. Þræl ánægð með karlinn (Berglind sko) og ég líka, auðvitað:) Svo var haldið í matarboð í Grindavíkinni til að fagna 31 árs afmælinu hjá Kathrine. Fengum hinar glæsilegustu veitingar og ég smakkaði t.d hreindýrakjöt í fyrsta skipti. Það var þrælgott en sló samt ekki út kökurnar. Hún er stórgóður kokkur og bakari hún mágkona mín, ég verð að fara að æfa mig greinilega.

Deginum í dag var svo eytt fyrir framan imbann og svo skellti ég mér í ljós. Nú á að worka tanið fyrir NY city. Get ekki látið sjá mig svona skíthvíta í landi tækifæranna. Aldrei að vita hvern maður hittir á götum stórborgarinnar. Spenningurinn eykst með hverjum deginum. Ég er líka að REYNA aðpassa peningana. Nauðsynlegt að bruðlast aðeins þegar maður fer til USA:)

Hvernig fílið þið Katie Melua?

Frí

2006-04-27T07:54:00.000Z

Vildi endilega deila því með ykkur að ég er í fríi frá kl. 15 á morgun þangað til kl. 15 á þriðjudag. Ljúft líf. Ætla líka að njóta þess. Kíkja í Kringluna, fara í afmæliskaffi, passa og aldrei að vita nema að ég þrífi bílinn minn á mánudaginn.

Var svo að hlusta á Bylgjuna. Ekki frásögu færandi nema fyrir það að Kolla er komin með annað lag í spilun þar. Það er þrusu flott og ég er mjög ánægð með stelpuna. Ef að þið viljið heyra lögin hennar þá er linkur hérna til hliðar á myspace síðuna hennar! Líka linkur á Raufarhafnarbandið Wulfgang sem er einnig að gera góða hluti sem og stór hljómsveitin Reykjavík! Öddi á auðvitað sinn link líka þó að það auðvitað algjör óþarfi að kynna hann!

Alltaf svo gaman ...

2006-04-25T23:59:00.000Z

Þekkiru mig?

Krónískur pirringur

2006-04-24T01:14:00.001Z

Þá er þessi helgi að baki og ný vika tekur við í fyrramálið, eða hvað finnst þér? Hefst vikan á sunnudegi eða mánudegi hjá þér? Vika í útborgun og ég á inni 55 yfirvinnutíma sem að þýðir gott og fallegt launaumslag.

Fór á Ice Age 2 í Smárabíó áðan. Elskulegasta mynd sem ég hef séð í langan tíma. Fórum svo til Berglindar í video en tolldum ekki lengi við. Þreytt og svo var myndin ekki alveg að gera sig heldur. Grimms bræður amk ekki góðir í þreytunni. Þreytan er tilkomin vegna Keflavíkurferðarinnar með Berglindi í gær. Kíktum í heimsókn til hennar Brynhildar. Þar var líf og fjör. Gísli Steinn heillaði liðið og við telpurnar spjölluðum fram á nótt. Ætlum að vera duglegri að heimsækja kelluna. Hún býr líka í þessari flottu íbúð með drauma sófasettinu mínu og drauma baðinnréttingunni líka.

Fékk ekki malt

2006-04-21T16:15:00.000Z

En ég fékk umbeðið kaffi í staðinn. Takk fyrir það Helena!

Enn og aftur komin helgi og ég enn og aftur ekki í helgarfríi. Núna er ég búin að lofa sjálfri mér því að hætta í 10-11 um leið og færi gefst. Á morgunvaktirnar um helgina og það er svo sem ágætt. Fínasta lið sem á vakt með mér.
Ég ætla nú að gera e-ð annað en að vinna um helgina. T.d kíkja í bíó með Magga á Ice Age og svo ætla ég að reyna að heimsækja Mumbi og Ingvar. Löngu kominn tími á það.

Líka kominn tími á að líta á Aldrei fór ég suður á netinu. Finnið það á siminn.is/aldreiforegsuður. Mæli með Guano stelpa, Sign, Hermigervill, Jan Mayen, Jet Black Joe (hafa verið betri þó).. jájá og einhverju fleiru! Farin-

Komin heim í holtið

2006-04-17T11:45:00.000Z

Alltaf ánægjulegt að koma heim þegar að veðurblíðan tekur á móti manni eins og í morgun. Þetta flug hefði getað orðið mjög ánægjulegt. Gott flugveður, góð tónlist, gott fólk um borð eeeennn... nei. Flugfreyjukjáninn sem var að þjóna í síðasta flugi tók sig til og þurfti endilega að leyfa okkur að "njóta" samvista við sig á ný. Þvílíkt leiðindarskass! Dónalegasta kerling sem ég hef hitt. Einnig var vínandinn í vélinni langt fyrir ofan velsæmismörkum. Jakkk... Óttar Proppé og co máttu alveg fara með næstu vél.

En engu að síður þá vildi ég bara láta alla vita að ég er komin heim heil á húfi og hlakka til að njóta veðurblíðunnar í vinnunni, nóg að gera þar á bæ!

Já ég var á rokkhátíð aldarinnar!

2006-04-16T12:51:00.000Z

Ég og Lilja komust á VIP mblog hátíðarinnar. Enda kellan í innsta hring.
Þakka góða skemmtun! Sjáumst að ári!

niðurtalning

2006-04-15T14:11:00.000Z

46 mínútur í hátíð aldarinnar! Rokkhátíð alþýðunnar, Aldre fór ég suður. Ætlið þið ekki að mæta???

...

2006-04-12T01:34:00.000Z

Fiðrildi í maga:)

.. og ég er farin vestur í fimm daga!

...

2006-04-09T13:11:00.000Z

Ný vika og páskarnir á næsta leyti.

Jæja stelpur

2006-04-07T02:15:00.000Z

Punktum niður besta kvöld sem við höfum upplifað í LANGAN tíma:

Staðsetning: Hverfisbarinn og ferðalag í Hafnarfjörð
Setning kvöldsins: præsið sem þú verður að peija
Karlmaður kvöldsins: jah, það má deila um það en ég segi elskulegi dyravörðurinn!
Lag kvöldsins: what´s up
Pikköpp lína kvöldsins: what´s up (virkar greinilega ekki)
SMS kvöldsins: dömpaðir þú henni eða hún þér? Svar óskast (megið endilega búa til svar svo að Alma geti svarað á móti;))

Heyrst hefur:
* að Alma hafi aldrei fengið eins SKJÓTA afgreiðslu
* að præsið sem þú verður að peija er að bíða fram á HojST
* að *hóst* sumir hafi fengið sér kjöt (skiljist eins og þér viljið skilja)
* að sumir hafi virkilega peijað præsið með því að fá pulluna framan í sig
* að þetta hafi verið FULLKOMIÐ upphitunarkvöld fyrir sumarið
* að.. ef að þetta var upphitunin, hvernig verður þá sumarið?
* að Berg hafi fengið símanúmer á NASA?
* að dyravörðurinn hafi nú verið svolítið heitur og að Berg hafi klikkað nú númerinu;)
* að Berg og Alma Ýr hafi svo eftir allt saman ekki lært ensku hjá Vaasslav heldur (vó hvað hét hann aftur?)
* að Atli hafi nú kíkt á stúlkurnar og að hann eigi ungan bróðir
* að Fúsi fái engan mömmu koss
* að ég hafi gleymt restinni og stóla á stelpurnar með restina á kvöldinu:)

---->Smá könnun fyrir allar konur á lausu er hér til hliðar ------>

svo í allra mestu lokin MYND AF KÖRLUNUM!

2006-04-06T16:46:00.000Z

Eitt lag enn

2006-04-06T15:52:00.000Z

Sitjum hér, bara svolítið lengur,
saman við þrjár, bara svolítið lengur.
Það er svo huggulegt hér,
að hlusta á "plötu" ein með ykkur
það haggar ekki okkur þrem
þótt við ættum að fara heim.
Bara eitt lag enn.

Það verður tjútt og trall um helgina. Amk segir Berglind það. Byrjar á því að við Berg og Alma Ýr ætlum að kíkja í einn gos á Hverfis og svo verður farið á Ísafol á laugardagskvöldið. Berglind þykist vera að hita mig upp fyrir sumarið;)

Hrikalega leiðist mér annars þegar það er frí í vinnunni. Enginn annars í fríi á sama tíma. Var auðvitað rifin á fætur fyrir ALLAR ALDIR á hádegi og skutlaði sprútlunum tveimur í vinnuna. Er svo bara upp í sófa með popp, pepsi max, Shall We dance á dvd og tölvuna í fanginu. Klikkar svosem ekkert... en hvar eru allir msn félagarnir?

Mikið um dýrðir

2006-04-04T12:57:00.000Z

Skallagrímur vann Keflavík í körfunni í gær. Ótrúlegt hvað þessir kauðar hafa komist langt. Langar að skella mér á leikinn í Keflavík á fimmtudagskvöldið, bara til að vera í spennunni. Þetta verður svakalegt!

Minnir mig á sigurinn á Ísfirðingum á íþróttahátíðinni í den... ah það var sætur sigur! Það jafnast ekkert á við þegar Bolvíkingar vinna Ísfirðinga í einhverju;) Jú kannski ef að Liverpool myndi vinna ensku deildina, það slægi það kannski út!

2006-04-03T00:25:00.000Z

Er orðin svo hrikalega spenn fyrir ferðinni til Nýju Jórvíkur að ég ligg á netinu hvern dag til að fá sem mestar upplýsingar um hvað sé hægt að gera og hvaða atburðir séu í gangi þegar ég verð þar 18. - 27. maí. Ekkert í gangi samt þessa daga, amk ekki hægt að sjá það á netinu núna. Við munum gista á nokkuð ágætu hóteli sem er í eigu Donalds nokkur Trump, já og það er við Central Park. Haldið þið að það sé e-ð fínt hótel? Ég myndi halda það!

Fyrir ykkur hin sem viljið láta ykkur dreyma:

Get sofið út alla vikuna, er á kvöldvöktum. Det er dejligt!

Idol, gjafainneign, sinueldur, 112...

2006-03-31T17:24:00.000Z

Jæja loksins búin að vinna og búin að fara í sturtu. Viðburðaríkur dagur í dag. Þurfti að hringja í neyðarlínuna vegna sinuelds við Versali. Svosem enginn stórbruni á ferðinni, en það var nóg til að maður varð hræddur um krakkana sem voru á leik í kring.

Ætla að skella mér upp á Skaga til Liv Ásu og Kela. Borða og horfa á IDOL. Spennandi að sjá hver dettur út, giska á að Bríet detti út.. nema að það verði Ína. Já eða bara Snorri. Erfitt að segja, en ég held með Snorra og Ínu, er ekki í lagi að halda með tveim?

Verð að vinna í ten eleven um helgina, kíki svo í barnaafmæli, passa e-ð smá og svo ætla ég að hjálpa múttu. Ég er búin að vera svo dugleg að það verður geggjað að fá útborgað 1.maí:) Búin að taka sex aukavaktir í Versölum og allt á yfirvinnukaupi, svo kemur orlofið auðvitað 11.maí!

Hvernig er þetta með þig?

2006-03-30T15:58:00.000Z

Ég kannast við okkur öll þarna. Enda erum við þrjú og mjög auðvelt að lenda í þessum hlutverkum...

Ef þú átt systkini lestu þá í gegnum þetta og svaraðu í hreinskilni, á þetta við þig?

Ertu elsta barn? Elstu börn eru gjarnan vön að taka ábyrgð, ráðskast með þau yngri, kenna þeim og leiðbeina. Þetta umhyggju- og ábyrgðarhlutverk í systkinahópnum fylgir síðan elstu börnunum út í lífið, ekki bara í samskiptum við yngri systkini heldur einnig við aðra fullorðna t.d. maka.

Ertu miðjubarn? Miðjubörn geta ekki gert það sem elsta systkini er fært um og þeim er ekki treyst fyrir því sama. Þau eru oft afbrýðisöm í garð yngri systkins sem fær meiri athygli. Miðjubarnið þarf oft að berjast, til að sanna og sýna getu sína. Það öðlast sveigjanleika og þjálfun í umgengni við eldri og yngri systkini því það þarf oftar að skipta um hlutverk en elsta og yngra barnið.

Ertu Yngst/ur? Yngstu börn verða oft háð eldri systkinum og foreldrum. Þau treysta sér ekki til að taka ábyrgð, kenna og leiðbeina öðrum, enda hafa þau fengið minnsta þjálfun í þá veru. Hins vegar lærir yngsta barnið að fara ýmsar eigin leiðir til að ná fram vilja sínum án þess að neyta aflsmunar eins og eldri börnin. Það reynir þess í stað að höfða til annarra með því að vera þægt, skemmtilegt eða stríðið þegar það fer í andstöðu. Yngstu systkinin komast oft langt á “sjarmanum”.

Aldrei slíku vant

2006-03-30T01:05:00.000Z

er ég sammála ungum sjálfstæðismönnum. Hættum við að byggja tónlistarhús og frestum/eða hættum við Héðinsfjarðargöng (hef reyndar ekki mikið fyrir mér í því máli)!

Byggja, byggja, byggja, byggja. Það er ekki endalaust hætt að byggja. Hvernig væri að nota peninginn sem að fer í allar þessar framkvæmdir sem mega vel bíða betri tíma, í að borga fólki almennileg laun, laga til á deildum sjúkrahúsanna, fá fleira fólk í ófaglærðu störfin og margt annað. Til hvers að fá hátæknisjúkrahús? Eigum við eitthvað frekar eftir að hafa efni á að reka það ef að við höfum ekki efni á að reka hin almennilega?

Afhverju eru peningar til fyrir óþörfu tónlistarhúsi en ekki fyrir hágæsluherbergjum? Afhverju getur einhver gefið nokkrum hræðum náttúruauðlindirnar í landinu og þeir svo selt einhverjum öðrum það? Afhverju er svona dýrt að fara til tannlæknis? fhverju lifum við í svona miklu neysluþjóðfélagi og afhverju þurfum VIÐ að eiga allt það flottasta og nýjasta í bransanum?

Afhverju er Ísland í dag svona asnalegt?

En annars er ég í góðu skapi, þetta var bara svona smá púst eftir umræður síðustu viku...

Svakalega er ég annars skotin í myndunum hjá Rebbu:

Skattur og skýrslur

2006-03-29T19:38:00.000Z

Jæja þá er búið að skila öllum skattaskýrslum á heimilinu og mér reiknast til að ég muni fá rúmlega tíu þúsund íslenskar krónur endurgreiddar þann fyrsta ágúst. Svo segja þeir núna. Þeir reiknuðu mér þúsund krónur til endurgreiðslu síðast en ég endaði með að þurfa að borga fimmtíu þúsund. Bömmer.

ATH

2006-03-28T22:35:00.000Z

Hér er auglýsing:
Steingrímur Rúnar Guðmundsson mun spila fyrir gesti Langa Manga aðfaranótt páskadags. Steingrímur eða Denni (frændi bætist við í mínu tilviki) eins og hann er kallaður í daglegu tali fær góða dóma og heldur víst uppi góðu fjöri eins og frændum er einum lagið. Allir á Langa Manga s.s á laugardagskvöldinu 15. apríl n.k.

Út í allt aðra alvarlegri sálma. Hvað er málið með allt þetta unga fólk sem er að fara frá okkur þetta árið (jú sem og önnur ár)? Ekki það að við fáum nokkurn tímann botn í málið en mér finnst bara hræðilegt að vita til þess að svona mikið af frábæru og efnilegu fólki sé að falla frá langt fyrir aldur fram. Ég þakka Guði fyrir að taka ekki í burtu mína ástvini, en er það ekki algjör sjálfselska að þakka fyrir að dauði einhvers sé ekki manns eigin eða nánasta fólks?

Skíðavikan 2006

2006-03-28T00:20:00.000Z

Eftir langt samtal við Eddu Katrínu þá kíkti ég á Skíðavikuvefinn. Er reyndar búin að kíkja þangað daglega síðan í byrjun mars með þá von í hjarta að það sé búið að móta dagskrá skíðavikunnar betur. En svo er ekki. Skipuleggjendur mættu alveg spíta í lófana og koma upp grófri dagskrá með fyrirvara um breytingar. Ég veit fyrir víst að Big jump mótið verður á föstudeginum langa og það verður e-ð um dýrðir. Edda Katrín og co eru að sjá um þetta þriðja árið í röð. Ég var með í þessu fyrsta árið og þetta var bara nokkuð gaman. Stóðum í ströggli og veseni fram á síðasta klukkutíma og svo varð eitthvað vesen á meðan á mótinu stóð. En núna hafa menn lært á hlutina og þetta verður auðveldara með hverju árinu. Mæli með því að þið skellið ykkur vestur á Ísafjörð eða heim í Víkina um páskana. Það verður fjör á hverjumi bæ...

Páskar 2006

Er eitthvað um að vera í Bolungarvík?

Rétt skal vera rétt

2006-03-27T17:26:00.000Z

Rétt í þessu rataði póstkort í bréfalúguna hér á Kristnibrautinni.
Það var frá landi tækifæranna og var það skrifað af Ævari Erni til okkar systkina. Alltaf gaman að fá póstkort frá útlöndum og hafa þau reyndar verið nokkuð mörg síðustu árin.

Hér er mynd af Ævari í paradís:

Já og Ævar ef að þú lest þetta þá er kveðjan komin til skila og sendist hér með til baka!

sir hump alot

2006-03-27T00:05:00.000Z

Ef að ég væri ekki búsett í Reykjavík, þá myndi ég velja Grindavík sem heimili mitt. Það er e-ð sem heillar mig við þetta rokrassgat. Því skunda ég þangað við hvert tækifæri og heimsæki bróðir minn og fjölskylduna hans. Við eldum góðan mat, horfum á video og svo vökum við systkinin og spjöllum um allt á milli himins og jarðar. Átti eitt svoleiðis kvöld í gær. Qualitytime sem er betra en öll heimsins skemmtikvöld á öldurhúsum bæjarins.

Aldrei fór ég suður

2006-03-26T21:56:00.000Z

Ætla að sjá:
Mugison & Rassi, Rúnar Þórisson, Reykjavik! (þekki hljómsveitameðlim meira að segja), Jet Black Joe, Drengjakór MÍ og svo kíkir maður vitaskuld á Kristinn Níelsson. Það verður brjálað fjör alla páskana fyrir vestan. Smá pláss fyrir spenningin, en það er samt lítið... NY á hug minn allan. Hvað á ég að gera af mér þar(=:

Yfirkrútt ársins

2006-03-23T10:09:00.000Z

Hversu mikil dúlla getur eitt barn verið?

Loksins

2006-03-23T08:41:00.000Z

Komin tími til að Magni léti sjá sig á klakanum. Lífið ansi ómögulegt án hans. Við Stinni rifum okkur upp eldsnemma og tókum á því með karlinum. Hann sagði mér að ferðin hjá AC milan hefði verið algjört ævintýri og ég get vel skilið það. Hann sagði mér líka að hann er að fara aftur út í tíu daga (reyndar yfir páskana þegar ég verð fyrir vestan), hvað meinar maðurinn? Hvað eigum við Stinni að gera þá? Jæja þessi pistill á nú ekki að vera um Magna en vildi bara segja ykkur að ég er amk byrjuð í ræktinni aftur og nú skal tekið á því!

Baldur Smári kom með eitt óþarfasta komment sem ég hef séð á síðunni. Algjör óþarfi að segja mér að hann Sigmar Guðmundsson sé af bolvískum ættum. Líður alls ekkert betur með að vita það. Maðurinn er reyndar ekkert alslæmur. Fíla hann bara ekki í Gettu betur og örugglega ekki í Eurovision. En hann er góður í Kastljósinu, getur hann ekki bara verið þar? Hann tekur sig of hátíðlega kauðinn sá!

En ég ætla að fara og njóta þess að þurfa ekki að fara í vinnuna fyrr en kl. þrjú!
Svona byrjar slúðrið...

Afmælisbarn gærdagsins

2006-03-22T10:23:00.000Z

Hún átti afmæli í gær, stórstjarna Íslands. Kristín Ingibjörg Lárusdóttir varð 26 ára. Trúið því eða ekki. Til hamingju með þetta Stinni minn. Reyndi að setja inn kveðju hérna í gær en kerfið lá niðri.

Megiru lengi lifa í lukku þrátt fyrir að nágranni þinn sé næsti kynnir í Júróvision.. sökkes!
Gísli Marteinn

VS.

Sigmar Guðmundsson (fannst ekki mynd af honum)!

Gísli Marteinn er einfaldlega miklu skemmtilegri!

Rokkstjarna á Íslandi?

2006-03-21T02:10:00.000Z

Ætli að rockstar Supernove leynist hér á fróni? Það yrði frekar töff.

Ég er amk að fíla INXS eftir að hafa séð rockstar INXS. JD gat farið í taugarnar á mér en hann getur vel sungið eins og heyrist í laginu Pretty Vegas.

Svo styttist í páskana. Er í fríi frá kl hálf þrjú á miðvikudegi til kl hálf þrjú á mánudegi. Lúxus sem ég verð að nýta mér. Eins og er þá er stefnan sett "heim" til Bolungarvíkur og fara á Aldrei fór ég suður. En það er vel inn í myndinni að skella sér norður á Akureyri eða á Skagaströnd til ættingja. Ræðst á næstu vikum. E-ð sérstakt um að vera á Akureyri um páskana? Minnist þess að Sunna Hlín hafi verið að tala um fitnesskeppnina þá helgi!

SMS

2006-03-20T13:54:00.000Z

Fékk sms rétt í þessu..

Tu ert ad fara til NY fim 18.mai - fös 26.mai. Lendir laug 27 í Keflavik. Kv Hildur

Orðrétt. Þá er það staðfest. Búið að bóka mig með. Hlakka svo til.

Annars langar mig að deila því með ykkur að söngvarinn í Nickelback fer rosalega í taugarnar á mér!

Slen

2006-03-17T18:29:00.000Z

Ég er svo löt þessa dagana að ég býst við að gróa föst við sófann einn daginn (en er samt dugleg að vinna). Magni fer samt að koma heim þannig að þá verður tekið á því. Hann er búinn að vera að skoða þjálfarastöðu hjá A.C Milan, sko kallinn. Hugsa sér að svona fær gaur sé að þjálfa mann:) Já Kristín fær líka prik fyrir að koma manni að;)

Annars er ég að fíla mig í tætlur í vinnunni. Frábær félagsskapur. Róleg vinna. Verst að tvö af frábæra liðinu eru að hætta. Dóri ætlar sér til Spánar og Begga ætlar að verða Yfirmannskona í Subway. Þá erum við Pálmar eftir til að halda uppi heiðri unga fólksins. Vona bara að það komi e-r ungir krakkar að vinna þarna, endilega sækið um:)

Annars er það bara tjútt og trall alla daga. Afmæli tvær helgar í röð og árshátíð Kópavogsbæjar á næstu helgi. Þar verður margt um manninn og glæsileg skemmtiatriði. Hef heyrt að Bubbi verði þarna, Guðrún Gunnars og uuu jamm, fleira lið.

Brandari, Nano, Jack Johnson

2006-03-14T23:08:00.000Z

Ég er gjörsamlega límd við sjónvarpssófann. Ekki það að ég hafi tekið upp á því að glápa á imbann, heldur var ég að fá I-pod Nano í dag og er núna búin að sitja í fjóra tíma í sófanum og er að taka til í tónlistargeymslunni í tölvunni samhliða blogglestri.

Í bloggheimunum fljúga margir brandarar. Hér fann ég einn góðan á síðunni hjá góðvini mínum honum Tedda.

Þórhallur prestur vaknar á sunnudagsmorgni og sólin skín. Hann ákveður að í dag ætli hann að segjast vera veikur og hann komist ekki til messu. Svo hann hringir í annan prest, tilkynnir veikindin, nær svo í golfsettið sitt og læðupokast upp á golfvöll í þeirri von að enginn sjái hann. Á vellinum er ekki nokkur maður svo ráðabrugg Þórhalls prests ætlar að ganga upp. Uppi í Himnaríki snýr Lykla-Pétur sér að Guði og spyr: "Guð, ætlarðu að láta vígðan manninn komast upp með þetta?" Guð horfir niður á Þórhall prest þar sem hann slær teighöggið. Kúlan flýgur 420 metra í fallegum boga, skoppar einu sinni á flötinni og rennur svo beina leið ofan í holuna! Kraftaverkahögg! Lykla Pétur lítur skilningsvana á Guð og spyr: ,,Hversvegna í ósköpunum léstu hann fara holu í höggi?" Drottinn svarar: ,,Hverjum á hann að segja frá þessu?!"

Hér er svo mynd af litla djásninu mínu sem að spilar Jack Johnson í góðum gæðum...

Edda Katrín er annars farin heim. Skutlaði henni á völlin í dag og strax farin að sakna þess að hafa hana ekki í bænum (gott að vita af henni hérna). En örvænti ekki, hún kemur brátt aftur enda er hún orðin svo mikið celeb hér í borginni og hangir bara með fína og fræga posh fólkinu:)

Þá er það ákveðið

2006-03-13T23:41:00.000Z

Fer vestur um páskana. Er í frábæru helgarfríi. Gæti ekki verið betra. Nýja vinnan lítur vel út. Vá hvað það var líka gott veður í dag. Það er að segja fyrri partinn. Það voru 9° á mælinum fyrir framan laugina. Algjör pottur. Sé fram á gott sólarsumar. Frábært alveg.

Afmælisbörn mánaðarins eru Birgitta Elín 9.mars, Linda Rós og Svala Björk 12.mars og Maríanna 14.mars. Allar 22 ára kellur, til lukku. Aðrir sem eiga afmæli í mars Leifi, Daddi og Einar Örn eiga allir afmæli 2.mars, Friðmar Kári á afmæli 5.mars, Bragi Rúnar 16.mars, Stinni 21.mars og jamm... til lukku þið öll.

Löng helgi

2006-03-12T23:47:00.000Z

Ótrúlega löng helgi. Fannst eins og ég væri ekki einu sinni að vinna. Fór í afmæli á föstudagskvöldið til Birgittu, kíkti á kaffihús á fimmtudagskvöldið (sem hjálpaði mikið við að lengja helgina) með minni kæru Eddu Katrínu sem að loksins kom í bæinn. Hittum arSkúla Þórðar og Hauk Magg og náðum í Gísla og tókum hann með. Voða artífartí á brennslunni. Var svo boðið í mat til Mumbi og Ingvars á laugardagskvöldið eftir skemmtilegt Kringlurölt með Eddu og Skúla. Fórum í hæ keppni sem Edda vann og við keyptum okkur ís. En toppurinn á helginni var samt kaffihúsaferðin með Lilju Rós og Helenu í gærkvöldi þar sem að við skröfuðum í marga tíma. Besta kaffihúsaferð sem ég hef farið í langan tíma. Í dag bauð ég svo familíunni í mat. Kári og Jóhanna, Leifi, Kathrine og Ayma og við þrjú á Kristnibrautinni. Hér er búið að ganga frá flestu, s.s negla og saga. Mjög ánægð með helgina sem að annars átti bara að vera róleg vegna vinnu.

Ný vinna á morgun. Ný andlit, ný nöfn.. my speciality! Helenu líka:)

Blehhh.. over and out, Forystugeitin

@vikari.is

2006-03-09T08:57:00.000Z

Baldur Smári er maður ársins fyrir nýju netföngin @vikari.is

Hann hefur látið mig fá astamaria@vikari.is og ég er MJÖG ánægð með það! Þannig að nú vitið þið af nýja netfanginu. Allir að senda mér póst

Tókuð þið ekki örugglega eftir pistlinum fyrir neðan? Já ég er svo þokkalega á leiðinni til New York. Draumurinn:) Nú verður tekið á því í ræktinni. Tíu kílóin sem eftir eru skulu fjúka. Pepp og peningur óskast!

Hver er á leiðinni til New York í maí?

2006-03-07T23:42:00.000Z

Vinsamlegast segið mér það. Fæ fiðring í magann, niður fætur og svo þýtur hann upp í háls. Átta dagar af sælu. Buisness class, næs hótel og gott veður. Gæti ég verið lánsamari manneskja (já eflaust) en ég er orðlaus og ég titra af spenningi.

Idol, ræktin og slabb

2006-03-06T22:36:00.000Z

Fór í ræktina og hljóp um það bil 4 kílómetra. Lýg því ekki. Hljóp í svona 25 mínútur og labbaði í svona sjö mínútur. Ég er að bæta þrekið all svakalega þessa dagana. Hehe það hafði nú alveg hvetjandi áhrif að hafa herra flott vaxinn við hliðina á mér á þvílíku spani. Svo er Sigurvin bróðir búinn að vera svo dásamlegur að lána mér Ipodinn sinn- er eiginlega búin að eigna mér hann. Er að bíða eftir að hitastigið hækki aðeins svo að ég geti farið að skokka úti. Legg ekki í þennan kulda, þrátt fyrir að veðrið hafi verið mjög gott undanfarið. Langar helst að geta hlupið hálfmaraþon næsta sumar.

En nóg um ræktina. American Idol var á skjánum fyrir nokkrum mínútum og gaurinn sem söng Hemorage er mitt Idol. Vá hvað það var geðveikt hjá honum, flottara en originalið! Held með honum, nenni ekki að leita að nafninu hans. Veistu hvað hann heitir?

Jarðskjálfti á Suðurlandi

2006-03-06T14:42:00.000Z

Og ég fann ekki fyrir honum:( ohhh, ætti ég kannski að verða skelkuð? Eru einhverjar líkur á að hús hrynji í jarðskjálftum á Íslandi??

Now it´s over again

2006-03-05T22:25:00.000Z

Helgin liðin í öllum sínum rólegheitum. Ætlaði nú að vera dugleg að taka á því í ræktinni en tók á því matarlega í staðinn. Veisla alla helgina. Jón Víðir kom með nammi frá Boston, í vinnuna. Þannig að við í vinnunni höfum þyngst um tvö kíló á mann um helgina. Svo vorum við dugleg og skelltum okkur á Subway í dag, nema mín í hollustunni og fékk sér salat. Iss, þessi óheyrilegu matarinnkaup eru ekki að gera góða hluti þarna í Smáralindinni. Spara spara spara.

Útlendingar

2006-03-03T18:49:00.000Z

Íslenskir útlendingar. Ég er gjörsamlega að farast mig langar svo til útlanda. Það eru svo margir sem ég þekki í útlöndum, á leiðinni þangað eða búnir að fara. Edda Katrín fór til Indlands, Haukur, Biggi og Birna fóru til Indlands, Eva er í Þýskalandi og verður þar í e-n tíma, Sigurbjörg er að fara til Swiss og verður í e-n tíma, Berglind og Ribengellur eru að fara til Costa, Kristín og Erla eru að fara í Interrail, Vikkan er að fara á Hróarskeldu, Haukur er í Austurríki (held ég), Mæja Bet í Írlandi (býr þar), Ævar Örn er í heimsreisu, Birna er í Innsbruck á bretti í e-n tíma, Sunna býr í DK og svona mætti áfram telja. Ég get bara látið mig dreyma um fagurbláan sjó, gullnar strendur og háa pálma.

Joe and Charlie

2006-03-02T13:03:00.000Z

Lasin. Vona að það sé ekki þessi óþverra flensa sem hefur herjað á landann. En í veikindum er um að gera að hlusta á Joe og Charlie. Þeir hafa bjargar veikindum áður. Svo ætla ég að leigja mér spólu og kannski kaupa mér smá glaðning. Það má allt þegar maður er lasinn.

Aðalmál dagsins er samt:
Þann 2. mars 1973 fæddist merkur drengur. Honum var gefið nafnið Guðleifur Árnason. Nafnið fékk hann frá Guðleifi nokkrum sem að drukknaði ungur að árum, nokkrum árum áður en að téður drengur fæddist. Þannig að minn ástkæri bróðir á afmæli í dag. 33 ára góurinn. Innilegar hamingjuóskir elsku Leifi minn. Megiru njóta dagsins vel!

Hér höfum við svo lag dagsins og setningu dagsins (úr bíómynd):

Lagið er:

For here
Am I sitting in a tin can
Far above the world
Planet Earth is blue
And there's nothing I can do

Though I'm past one hundred thousand miles
I'm feeling very still
And I think my spaceship knows which way to go
Tell my wife I love her very much she knows"

Línan er:

(eitt auðvelt) "Mama always said life was like a box of chocolates. You never know what you're gonna get."

(erfiðara) "I do wish we could chat longer, but I'm having an old friend for dinner."

I´ll see you when you get there, IF you ever get there!

2006-02-28T07:19:00.000Z

Enn eitt banaslysið í umferðinni varð í nótt. 19 ára stúlka lést. Þá er það þriðja unga stelpan sem lætur lífið í umferðinni á þessu ári. Mér finnst ekki algengt að ungar stúlkur látist í umferðinni, en núna hefur það gerst og það á þrisvar aðeins tveimur mánuðum.
Ég fæ í magann í hvert sinn sem ég heyri að einhver ungur hafi látist, fyrst af hræðslu um það að þekkja viðkomandi og ef svo er ekki, þá af samúð til vina og fjölskyldu viðkomandi aðila.

En núna er ég orðin brunette. Ljósi liturinn hefur fengið að fjúka. Hugsa nú að ég láti lita mig ljóst aftur, næst. En það er gaman að breyta til. Hef alltaf verið ljóshærð.

Ætla að skella mér í ræktina og hitta Stinna og Magna. Púl, sviti og tár.
Keyrið varlega og hugsið um náungann í umferðinni. Kær kveðja!

Mánudagur

2006-02-27T18:09:00.000Z

Það var indælt að eiga frí í dag. Fór í klippingu og naut þess að sofa. Ætla svo í ræktina að horfa á O.C. Jújú tilgangurinn er auðvitað að hreyfa á sig rassagatið eftir að hafa étið bollur, en O.C á stóran þátt í að maður nennir.

Annars er ég að spá í hvort að ég ætli á árshátíðina um helgina. Þegar maður á engan kjól þá er ekki eins spennandi að fara. Er ekki viss um að ég tími að kaupa mér nýjan. Svo finnst mér þetta hálfkjánaleg árhátíð. Útilífsfólk með fólkinu úr Zöru, Topshop og Debenhams. Kannski ekki alveg hópur sem að manni finnst maður passa í. Samt spurning um að maður fari til að kynnast sínu fólki betur.

Hvaða dagur er í dag?

2006-02-25T16:30:00.000Z

Ég veit ekki hvort að það er sunnudagur eða föstudagur, 21. febrúar eða 21. maí, sumar, vetur, vor eða haust. Veðrið er óútreiknanlegt, er að vinna frá morgni fram á kvöld og allar helgar. Er skrýtið að maður týni niður dögum? Vissi ekki einu sinni af því þegar það var fimmtudagur síðast. Þykist jú vita að það sé laugardagurinn uuuhhh 25. febrúar og að það sé árið 2006. Er að fara að þjóna í veislu í kvöld, í sex tíma. Fæ fyrir það 15 þúsund krónur. Á líka báðar dagvaktirnar í 10-11 svo að ég prísa mig sæla fyrir mánudagsfríin mín. Já ég er ALLTAF í fríi á mánudögum. Lúxus þegar maður er að vinna allar helgar.

Fór í diskókeilu í gær. Fjórða skiptið mitt yfir ævina sem ég fer í keilu. Það var svo gaman. Ætlaði samt ekkert að spila. Hef alltaf haldið því fram að mér leiðist hún. En þar sem þetta var kveðjuhóf fyrir hana Evu Ólöfu (sem er enn og aftur á leiðinni út) þá ákvað ég að vera með. Ég, Eva, Vera, Bjarnveig, Anna og Völli áttum völlinn. Nokkrar fellur hjá kellunni en það var oftar sem ég hitti bara engar keilur. Völli átti flestar fellurnar og Anna var með mesta skorið. Er ekki einhver geim í keilu á næstunni??

Movielines

2006-02-24T09:37:00.000Z

Hversu klár eru þið í kvikmyndunum?

Hér eru tvær línur- önnur er þó auðveldari. Úr hvaða myndum eru þær.

1. "It's only after we have lost everything that we are free to do anything."

2. "Choose life,choose a job, choose a career, choose a family...."

Góðan dag, góðan dag, glens og grín það er mitt fag...

2006-02-23T08:51:00.000Z

Já góðan dag kæru lesendur.
Berglind Mjöll tók upp á því að hafa vikulegt lagaágisk og ég ætla að taka það aftur upp eftir langt hlé. Er með gott lag sem að þið megið spreyta ykkur á. Bannað að notast við leitarvélar, STRANGLEGA BANNAÐ. Því þá er leikurinn leiðinlegur og við viljum ekki að það gerist er það?

hey, now we won't be raped
hey, now we won't be scarred like that

it's the sun that burns
it's the wheel that turns
it's the way we sing that makes 'em dream
and to Christ: a cross
and to me: a chair
I will sit and earn the ransom from up here

Annars er ég bara nokkuð spræk. Fór í ræktin kl 06:30 (ein með Magna hmmm) og var ansi slöpp á því í ræktinni þó að ég hafi verið að taka meiri þyngd en venjulega. Er á leiðinni í vinnuna og svo á að taka hressilega á því í gyminu eftir hana (lítið búið að brenna þessa vikuna). Verð að vinna alla helgina í 10-11 og svo frí á mánudaginn jibbí jei.

What´s this life for?

2006-02-22T23:12:00.000Z

Vildi að ég gæti baunað öllu út úr mér sem mér liggur á hjarta. En maður segir víst ekki allt sem manni langar til á veraldarvefnum. Hef bæði reynsluna af því að segja of mikið og hef heyrt um fleiri sem hafa lent illa í því að koma með of mikið af upplýsingum. En ég er í svo (einhvurneginn slæmu) skapi að það heila væri hellingur. Er ekki pirruð, ekki reið.. heldur líður mér bara hreinlega illa. Kannski engin ein sérstök ástæða fyrir því en svona er lífið bara. Væl væl væl.

Vinnan er enn skemmtileg. Rólegt svosem en nóg að læra. Fór á kaffihús með Ólöfu og Svönu eftir vinnu. Kíktum á Sólon og þar var celebið hann Hanni Bach með gellunni sinni og svo var tannburstagaurinn þar (Inga Magga ertu að lesa;)). Hló nú bara að því. Get líka sagt ykkur það að ég fékk í fyrsta skipti á ævinni stöðumælasekt, áðan. 2500 krónur heillin. Jæja einhvern tímann er allt fyrst og ég vissi svosem að ég mátti ekki leggja þarna. En hvernig væri að það væru byggð svona eins og tvö þrjú bílastæðahús við Laugaveginn? Það er aldrei hægt að fá stæði þarna nálægt. Gjörsamlega getur farið í mínar fínustu. Sammála eða ósammála?

Páskar

2006-02-22T00:26:00.000Z

Það styttist óðum í páska og ég er farin að plana smá frí. Er að spá í að skella mér "heim" til Bolungarvíkur og kíkja á liðið þar. Ætli ég verði nú ekki meira inni á Ísafirði en vestur skal haldið á miðvikudagseftirmiðdegi og það akandi. Tek enga sénsa með að verða veðurteppt vegna flugs eins og vaninn er þegar ég ætla að fljúga.

Nýja vinnan lofar góðu

2006-02-21T19:57:00.000Z

Fyrsti dagurinn í vinnunni var bara fínn. Verð einhvern tíma að komast inn í þetta samt. Er að sjá um Nikedeildina og er þegar orðin forfallin Nikefrík. Hvernig á þetta eftir að enda, það eru svo ótrúlega flott föt þarna. Svo er staffaafslátturinn auðvitað ekkert slor.

Pfff.. vigtaði mig í morgun. Gengur vel þó að vigtin hafi farið upp. Búin að bæta þrekið helling og fullt af cm farnir. Takmarkið er að geta híft sjálfa mig upp 20 sinnum og hlaupið í amk 20 mín án þess að detta dauð niður. Já hlægið bara að kellunni sem er í engu formi. Var bara ein með Magna í morgun. Kristín ákvað að hvíla sig aðeins. Það var fínt, held nefnilega að hann sé harðari við mig þegar Stinni er með, og svei mér þá, ég held að ég sé duglegri þegar Stinni er ekki. Þarf alltaf svo mikið að hlægja þegar hún er með.

Hard to see what it is that I see in you

2006-02-20T13:22:00.000Z

Mér leiðist. Langar í ræktina og langar í Algleymi í Sporthúsinu. Svaf út í morgun og það var yndislegt. Svaf reyndar líka út í gær í fyrsta skipti í nokkrar vikur. Hnéð er að gera mér lífið leitt og ég vona bara það besta með það. Leitt að þetta skuli gerast loksins þegar mér gengur vel í ræktinni. Svo byrja ég að vinna á morgun. Þetta verður skemmtileg vinna. Frí alla mánudaga og vinna aðra hverja helgi.

Eurovision

2006-02-19T22:11:00.000Z

Allir orðnir þreyttir á umræðunni um Eurovision, yesterdays news. En auðvitað fannst mér Silvía Nótt æðisleg og ég kaus hana en ef að ég lít raunsætt á þetta og hugsa um hvern ég hefði kosið ef að hún hefði ekki verið þarna, þá hefði ég kosið Regínu Ósk þrátt fyrir að hún fari e-ð í taugarnar á mér. Hún syngur svo ótrúlega vel og þetta var svo ótrúlega flott hjá þeim.

Annars langar mig helst að grafa mig undir sæng í tvær vikur og vakna upp við það að síminn sé að hringja. Hringingin er frá þjónustufulltrúa Sparisjóðsins og það er verið að tilkynna mér að það sé búið að borga allar mínar skuldir. Vá frábær draumur.

2006-02-19T13:17:00.000Z

Sirka svona leið mér eftir ræktina í fyrradag.

Mig langar svo að benda ykkur á frábæran pistil. Rakst á hann útfrá síðunni hjá Láru aka Springa og mæli með því að þið lesið hann. Hér er pistillinn KIP.IS.

Hér er líka uppáhaldið mitt í augnablikinu:

So, so you think you can tell
Heaven from Hell,
Blue skies from pain.
Can you tell a green field
From a cold steel rail?
A smile from a veil?
Do you think you can tell?

Did they get you to trade
Your heroes for ghosts?
Hot ashes for trees?
Hot air for a cool breeze?
Cold comfort for change?
And did you exchange
A walk on part in a war,
For a lead role in a cage?

How I wish, how I wish you were here.
We're just two lost souls
Swimming in a fish bowl,
Year after year,
Running over the same old ground.
What have we found?
The same old fears.
Wish you were here

Trúi ekki að ég hafi gleymt þessu lagi í svona mörg ár. En það var svo spilaði í "partý" hjá Tobiazi félaga Lilju Rósar. Þannig að takk Lilja fyrir að taka mig með þangað.

Nýja lagið...

2006-02-19T02:31:00.000Z

Nýja lagið mitt hljómar einhvernignn svona:

Harðsperrur hér, harðsperru þar.
Harðsperru hér og allsstaðar.
Sí og æ, æ og sí, aldrei fæ ég nóg af því.

Mér finnst nefnilega gott að vita til þess að ég er með vöðva. Vöðva sem hafa verið í mikilli afslöppun. Þessir vöðvar mínir hoppa nú hæð sína í lofti yfir hreyfingunni og þegar þeir hoppa svona mikið þá sárverkjar mig. Duglegir vöðvar í dag eru t.d rassvöðvarnir og brjóstvöðvarnir (já þeir eru að vakna til lífsins).

Stuðpinnin var með boð áðan. Það var gaman. Gestir þar voru, Erla perla, Erlendur (ekki innlendur, haha), Þorbjörn og svo ástkær vinkona okkar hún Berglind Mjöll (heyrst hefur að hún sé á lausu skutlan sú). Þarna var bara ágætis fjör. Stinni sá okkur fyrir fjöri með símagamni allt kvöldið. Takk fyrir mig, gleymdi að segja það gæskan.

Já seisei helginni er að ljúka og ég byrja í vinnunni á þriðjudaginn. Alltaf frí á mánudögum trallalalal!

Tímaþjófur

2006-02-17T12:41:00.000Z

Þessir blessuðu leikir...

Húkkt á bubbleshooter og þessum hér, nema kemst ekki lengra en fjórða borð:(

2006-02-16T23:29:00.000Z

Á döfinni er helgin. Á HELGINNI verður margt að gerast. Ég fæ að vita hvort að ég eigi að mæta í nýja vinnu á mánudaginn, ég fer að passa, fer jú auðvitað í ræktina, júróvision (og tilheyrandi), ætla á samkomu, hjálpa múttu, hitta fjölskylduna (öll saman) og svo síðast en ekki síst ætla ég að draga bróðir minn á Walk the line í bíó.

Ég mætti á slaginu sex í ræktina í morgun. Kl tuttugu yfir sex voru Stinni og Magni ekki enn komin. Haldið þið að ég hafi þá ekki bara rekist á hana Lilju Rós sem að kom mér í RPM tíma. Þar var púlað í þrjú korter og svo tekið á því á hlaupabrettinu. Held svei mér þá að ég sé búin að léttast um FJÖGUR kíló og þolið hefur stór aukist.

Þetta er annars alltaf jafn yndislegt og ef svo ólíklega vill til að þú hafir aldrei lesið þetta þá bara óska ég þér til hamingju með að hafa loksins náð þeim merka áfanga nú:

Nótt eina dreymdi mann draum. Honum fannst eins og hann væri á gangi á sjávarströnd með Jesús. Í skýjum himinsins flöktu myndir úr lífi mannsins. Við hverja mynd sá hann tvenns konar fótspor í sandinum. Sín eigin og Jesús. Þegar síðasta myndin birtist fyrir augum hans, leit hann um öxl á sporin í sandinum. Þá tók hann eftir því að víða á leiðinni voru aðeins ein spor. Hann sá einnig að það var á þeim augnarblikum í lífi hans sem reynnst höfðu hvað erfiðust. Þetta olli honum miklum hugarangri. Hann tók á það ráð að spyrja Jesús hverju þetta sætti. Hann sagði: Jesús þú sagðir að þegar ég hefði ákveðið að fylgja þér myndir þú aldrei yfirgefa mig. En ég hef tekið eftir því að á erfiðustu stundum lífs míns eru bara ein fótspor í sandinum. Ég get ekki skilið hvernig þú gast fengið það að þér að skilja mig einan eftir þegar ég þarfnaðist þín mest. Jesús svaraði: Þú dýrmæta barn mitt. Ég elska þig og myndi aldrei skilja eftir eitt. Á meðan þessir erfiðu tímar lífs þíns liðu og þegar þú sérð aðeins ein fótspor í sandinum, var það vegna þess að þá bar ég þig í örmum mínum.

Lost in translation

2006-02-16T14:52:00.000Z

"En einn er sá sem allt vald er gefið og það er Guð. Megir þú finna hann nú" bls. 74 í AA bókinni. Ef að það væri svo auðvelt. Að finna bara Guð og snúa aldrei til baka.

"Hann veldur misskilningi og sári gremju, fjárhagslegu óöryggi, óbeit vina og vandamanna, setur líf saklausra barna úr skorðum, veldur foreldrum og maka ómældri sorg- Það væri lengi hægt að bæta við listann" bls. 36 í AA bókinni. Fólk á aldrei eftir að fatta hvað sjúkdómurinn getur haft áhrif á margt í lifi fólks. Bæði alkans og aðstandenda.

Eirðarlaus og skapstygg. Það eru orð sem eiga vel við í dag. Skortur á Guði er setning sem mér dettur helst í hug.

Sit hér...

2006-02-15T14:13:00.000Z

í undirbúning í vinnunni. Af neðri hæðinni ómar söngur fimm ára barna; "til hamingju Ísland með að ég fæddist hér".... dofnar söngurinn og svo heyrist "ég er Sylvía Nótt og þið haldið með mér". Já þessi blessuðu börn.

frost er úti...

2006-02-14T23:59:00.000Z

Hvað er málið með vindinn, frostið og allt þar á milli hérna upp í Grafarholti. Nú er víst viðmiðið að ef það er rigning í Kópavogi þá er allt á floti upp í Grafarvogi, ef að það er 10° í Kópavogi þá eru 3° í Grafarholti. Hefði kannski bara átt að flytja upp í Hafnarfjörð, þá væri amk betra veður þegar ég vakna á morgnanna.

Kristín henti mér út áðan. Hér eftir er ég hætt að troðast inn á hana blessaða konuna. En skemmtum okkur svo sem yfir sögum af hinum og þessum (ekkert baktal) bara hlæja að óförum annarra. Svo kláraði Stinni að læra fyrir enskupróf og ég átti víst að hjálpa henni e-ð en mér sýndist hún nú bara vera nánast betri í ensku en ég (er það hægt).

Annars er Eurovision um helgina (fyrir þá sem að fylgjast ekki með). Partý, það bara verður að vera partý. Þetta er nánast stærri keppni en sjálf aðalkeppnin í Grikklandi. Silvía night shinin´in the light vinnur þessa keppni. Verður bara að gera það. Ég held bara mitt eigið partý ef að þið hin gerið það ekki (u know who u are).

Google

2006-02-14T01:10:00.000Z

Fyndið hvert google getur leitt fólk. Ég er með tracker á síðunni minni sem sýnir mér hvaðan fólk er að koma. Einn trackerinn sýnir t.d að fólk googlar orð eins og - Snævar Sölvi Sölvason, Líkami fyrir lífið, Unnur Birna photos, Danski kúrinn, Grindavík blogg myndir, Ásta María, sindikalismi (hvað er það)- og svo hefur margt merkilegt annað komið.

En annars er ég bara farin að sofa þótt fyrr hefði verið.

gassolina kristina:)

2006-02-13T23:58:00.001Z

Já það var gaman á síðustu helgi..

Ég fór í ræktina í dag (sorrý hvað ég tala mikið um ræktina þessa dagana) og horfði á OC á meðan ég tók sprettinn á brettinu góða. Þetta var svakalegur þáttur og tíminn hreinlega flaug á meðan. Kristín var við hliðina á mér að horfa á kallinn sinn á sirkus svo að henni leiddist ekkert heldur. Eftir brettið og svettið biðum við svo eftir Svövu sem skrapp í ljós á meðan við púluðum. Ég var ekki lítið spennt að segja henni hvað gerðist í OC (því ekki horfir Stinni á OC) en neinei, þá er þátturinn tekinn upp fyrir dömuna og ég hef ekki getað talað um þáttinn við neinn. Öss. Þetta var svaka þáttur, sáuð þið hann? Fórum svo heim til Stinna og horfðum á American Idol og hlógum meira að sprungna dekkinu hjá kellunum í dag. Já þær eru svakalegar þessar norðlensku stelpur, varið ykkur á þeim.

Sigurvin bróðir er að koma á morgun. Loksins kemur hann. Þetta verður nú e-ð.

gassolina kristina:)

2006-02-13T23:58:00.000Z

Já það var gaman á síðustu helgi..

Ég fór í ræktina í dag (sorrý hvað ég tala mikið um ræktina þessa dagana) og horfði á OC á meðan ég tók sprettinn á brettinu góða. Þetta var svakalegur þáttur og tíminn hreinlega flaug á meðan. Kristín var við hliðina á mér að horfa á kallinn sinn á sirkus svo að henni leiddist ekkert heldur. Eftir brettið og svettið biðum við eftir Svövu sem skrapp í ljós á meðan við púluðum. Ég var ekki lítið spennt að segja henni hvað gerðist í OC en neinei, þá er þátturinn tekinn upp fyrir dömuna og ég hef ekki getað talað um þáttinn við neinn. Öss. Þetta var svaka þáttur, sáuð þið hann?

Sigurvin bróðir er að koma á morgun. Loksins kemur hann. Þetta verður nú e-ð.

todays workout

2006-02-12T23:00:00.000Z

Jæja þá er netið á nýja heimilinu komið í gagnið. Pétur lagaði það fyrir mig. E-ð stillingaratriði.

Bíllinn góði er að gera góða hluti. E-ð hélt ég samt að bremsukerfið væri að fara um daginn, en þá vantaði bara bremsuvökva og var því reddað fyrir dömuna á augabragði. Nú þeysist ég í ræktina kl. 6 á morgnanna, fer svo í vinnuna og svo er ég frjáls eins og fuglinn eftir vinnu. Kíki stundum aftur í ræktina og fer í heimsóknir.

En annars er ég að koma sjálfri mér mjög á óvart hvað ræktina varðar. Búin að mæta á hverjum einasta degi og púla. Stinni er líka mjög góður æfingafélagi. Magni bjó til workout lykil fyrir mig og hér eftir ræð ég engu um hraðann og þyngdarprógramm á brettinu og hjólinu. Nú skal púlað út í eitt. Held meira að segja að hann hafi vanmetið mig og búið til of létt prógramm. En best að fara ekkert of geyst í þetta.

Febrúar

2006-02-08T13:47:00.000Z

Hörkuátakið er byrjað. Búin að fara þrisvar í ræktina í vikunni. Kl. sex í morgun, gær og fyrradag. Ég er með verstu strengi sem ég hef fengið á ævinni. Magni ætlar sko sannarlega að ganga frá mér. Kristín sýnir líka hörku á brettinu og ég verð víst að fara að leggja all svakalega að mér ef að ég ætla ekki að verða eftirmáti hennar.

Flutningarnir gengu vel en það gengur e-ð illa að koma sér fyrir. Allt út um allt. Höfum nú þegar fengið fullt af gestum. T.d kom Kristín í Júróvision heimsókn á laugardagskvöldið og Lív Ása kíkti með Kristinn Hauk og Bubba. E-ð þekktust þær stöllur mínar þá síðan á REYKJASKÓLA. Hver man eftir fólki sem það var með á Reykjaskóla? Eftir Júróvision kíktum við Kristín á rúntinn. E-ð leiddist okkur nú. Allir voru alls staðar annars staðar en nálægt okkur.
En þetta reddaðist nú alveg og ég skemmti mér bara ágætlega.

Annars er ég búin að miss 1,5 kg í hörkuátakinu.

Heimilisföng

2006-02-04T01:04:00.000Z

Ég hef flutt ansi oft yfir ævina og fór allt í einu að spá í hvað ég hef búið á mörgum stöðum (tel nýtt heimilisfang vera nýjan stað):

1. Traðarland 1, Bolungarvík (bjó þar þar til ég var 3 ára)
2. Heiðarbrún 4, Bolungarvík (bjó þar þar til ég var 9 ára)
3. Engjasel 81, 109 Reykjavík (bjó þar þar til ég var 11 ára)
4. Holtabrún 16 3.h.v), Bolungarvík (bjó þar þar til ég var að verða 12 ára)
5. Holtabrún 16 1.h.v), Bolungarvík (fluttum ekki langt, bjó þar til 17 ára)
6. Heimavistin Fjall á Laugum, 650 Laugar (2001-2002)
7.Garðavegur 6, Hnífsdal (bjó þar um sumarið 2002 hjá mömmu)
8. Móabarð 4b, Hafnarfjörður (nokkrir mánuðir haust 2002 með Dagný)
9. Laufrimi 24, 112 Reykjavík (hjá tengdó þar til ég og Krummi hættum saman nóv´02)
10. Krummahólar 2, 112 Reykjavík (fram á vor ´03)
11. Þrastarás, 110 Reykjavík (bjó þar í tvo mánuði hjá Huldu Birnu vor ´03)
12. Traðarland 1, Bolungarvík (komin á fyrsta heimilið aftur, vor 2002-2003)
13. Bakkastígur 6a, Bolungarvík (haust 2003-haust 2004)
15. Sundstræti 22, Ísafjörður (menntaskólaár 2003-2004)
16. Grinda 8b, Korsvoll, Oslo (þrír mánuðir haust 2004)
17. Garðarstræti 34, 101 Reykjavík (miðbæjarrotta okt ´04- mars ´05)
18. Lynghagi 6, 107 Reykjavík (mars ´05 - feb ´06)
19. Kristnibraut, 113 Reykjavík (feb ´06 -... )

Já þetta er kannski svolítið ruglingslegt. Hef nefnilega alltaf verið með annan fótinn hjá múttu. Svo hef ég auðvitað átt heimili síðan 1993 heima hjá pabba og Huldu á Hlíðarstrætinu í Bolungarvík og átti ég t.d lögheimili hjá Leifa bróðir í góðan tíma í Grindavíkinni. En svona er þetta nú. Ég er líka voða heimakær hjá mörgum vinum mínum og á mér mitt annað heimili hjá t.d Mumbi og Ingvari og svo hjá Berglindi minni í Hafnarfirðinum.

Var í mat hjá Mumbi og Ingvari og fór svo að flytja restina af smáa dótinu. Stóru hlutirnir verða komnir í hús í síðasta lagi kl þrjú á morgun.
Yndislegt að vera flutt. Ég og Stína ætlum að horfa á Júróvision annað kvöld í nýju í búðinni og vonandi kíkja á Café. Svo tekur þessi hrikalega leiðinlega morgunumferð Reykjavíkur við alla virka daga. Held að ég þurfi róandi og góðar bænir fyrir það. Mjóaði munu næstum því fimm sinnum í þessari viku að ég lenti í slysi og ég keyrði næstum því á blindblekaðan mann áðan. Hann æddi bara út á Hringbrautina og skeytti engu um hraða umferð. Skamm honum!

2006-02-02T19:27:00.000Z

Bloggleikar enn og aftur! Loksins var ég klukkuð. Hélt að enginn myndi eftir mér. Denni fær plús í kladdann fyrir þetta.

Fjögur störf sem ég hef unnið yfir ævina:
Sólbaðsstofan í Bolungarvík (bæði hjá Jónu og Fjólu)
10-11
Hamraborg
Íþróttahúsinu (Bolungarvík og Ísafirði)

Fjórar bíómyndir sem ég gæti horft á aftur og aftur:
Butterfy Effect
The Cutting edge
Liar liar
Pretty woman

Fjórir staðir sem ég hef búið á:
Bolungarvík
Ísafjörður
Reykjavík
Oslo

Fjórir sjónvarpsþættir sem mér líkar:
House
Judging Amy
OC
One Tree hill

Fjórir staðir sem ég hef heimsótt í fríum:
Köben
Gardavatn
Akureyri
Skagströnd

Fjórar síður sem ég skoða daglega (fyrir utan bloggsíðurnar):
bb.is
mbl.is
Umræðuvefur barnaland.is
sph.is

4 bækur sem ég les oft...
Biblían
líkami fyrir lífið fyrir konur
200 hollar grænmetis og ávaxtasafa bókin
AA bókin

Fjórir staðir sem ég myndi heldur vilja vera á núna:
Á útsölu á strikinu í Köben
Í USA að heimsækja Ragnhildi, Þórhall, prinsinn minn og Kára Björn
Á strönd í Karíbahafinu
Á skíðum í Austuríki

4 strákar sem ég skora á að gera þetta eru:
Jóa Skag
Elías
Tedda Birgis
.. eru fleiri sem lesa bloggið mitt?

4 stelpur sem ég skora á að gera þetta eru:
Berglindi Mjöll
Kristínu Ingibjörgu
Svövu Blöndal
Ölmu Ýr

Líkami fyrir lífið

2006-02-01T21:34:00.000Z

Daman er komin með einkaþjálfara. Enginn annar en Magni nokkur Fannberg sem ætlar að taka það verkefni að sér. Núna verður mætt með Kristínu og sportoutfittinu á mán-mið og föstudögum á slaginu 06:00 fram á vor. Segi nú bara gangi mér pent vel.

Vorum að tala um herra Ísland og hans mál í vinnunni í dag og það voru tvær skoðanir á málinu. Annað hvort vorum við sammála eða ósammála. Mér fannst rétt að láta reka hann. Ekki það að drengurinn er alveg myndarlegur en mér finnst það sem hann er að gera ekki passa ímynd herra Íslands. Hélt með Ella sem var í 5. sæti og var mjög ósátt með að hann vann ekki. Hann var alveg með útgeislunina og allan pakkann:)

MAMMA

2006-02-01T00:09:00.000Z

Mamma þú ert mamma mín, og ég er rúsínubollan þín.
-þessi færsla er tileinkuð mömmu minni. Mamma mín er besta mamma mín og ég elska hana út af lífinu. Veit ekki hvar ég væri án hennar. Hún gerir ALLT fyrir mig. Hún drífur hlutina af. Hún þvær þvottinn minn, eldar matinn þó að hún þoli ekki að elda mat, leyfir mér að fá sófann þegar ég bið um hann, keyrir mér til Keflavíkur-reddar láni og hjálpar mér að kaupa bíl Á 45 MÍNÚTUM og í dag er ég hamingjusöm stelpa á fallegri Toyota Corolla. Frelsið er yndislegt.

Þetta var já mjög góður dagur. Fékk útborgaða ágætis summu (hefði mátt vera hærri), fékk nýjan bíl, mamma splæsti pylsu og svala á mig, ég horfði á síðasta þáttinn af Judging Amy (reyndar mjög leitt) en engu að síður uppáhaldsþátturinn minn og ég er fullkomlega sátt við lífið og tilveruna. Við erum svo næstum fluttar inn á Kristnibrautinni og allt annað er líka í plús (nema fjárhagurinn:)).

Lyklavöld

2006-01-29T03:06:00.000Z

Fáum lyklana að íbúðinni á morgun. Þvílík sæla. Gistum fyrstu nóttina eftir viku. Þá verð ég líka búin að fjárfesta mér í nýju rúmi, náttborði og borðlampa. Hlakka til að eyða fyrstu nóttinni í fallegu íbúðinni, fallega rúminu mínu, með fallegu lýsingunni frá borðlampanum sem stendur á náttborðinu.

E-ð verður um matarboð í febrúar og mars. T.d verður næsti hittingur hjá alfa hópnum mínum heima hjá mér og svo stefni ég á að bjóða stelpunum í mat þegar við erum búin að koma okkur fyrir. Loksins komin í íbúð þar sem að mér á eftir að langa að bjóða fólki í heimsókn, endilega verið dugleg að kíkja.

Tókum rúnt áðan, ég og Kristín. Laugavegurinn var stappaður af fólki og gott ef að Austurstrætið var ekki að fyllast. Það var 8° hiti úti, fólk berleggjað og í stuttermabol. Þarna voru glanspíur og glansgæjar, frægir og ófrægir og fullt fólk út um alt. Þvílík stemmning. Allir brosandi og virtust skemmta sér vel. Mér leið samt ótrúlega vel þegar ég keyrði heim um tvö leytið, blá edrú og vel tilbúin til að fara upp í rúm. Skröfuðum helling eins og alltaf og margt var planað. Hlakka til að fara inn í febrúar úr þessum leiðindar janúar.

Afmæli í janúar: Ævar 23, 27. jan. Sunna Ösp 3, 27. jan. Arnar Jóhann 25, 6. jan, Amma hefði orðið 82, 1. jan, Elías 23, 1. jan, Edda Katrín 23, 18. jan. Allir innilegar hamingjuóskir með daginn. Það er svo gaman að eiga afmæli. Munið þið hvenær ég á afmæli?

laugardagsmorgunn

2006-01-28T08:32:00.000Z

Finnst lífið heldur ósanngjarnt. Var að lesa minningargreinarnar um hana Þóreyju. Man eftir henni frá því að ég bjó fyrir vestan. Minningin laðar fram mynd af stúlku með fallegt tindrandi bros og hlédræga framkomu. Mig langar að senda hlýja strauma til allra sem eiga um sárt að binda vegna andláts hennar.

Svo held ég til vinnu, uppgefin eftir langa spjall nótt með þeim Berglindi og Ölmu Ýr. Þvílíkt sem hægt er að tala. Fórum alltof, alltof seint að sofa og klukkan hringdi áður en ég lagði höfuðið á koddann.

íslenska er okkar mál

2006-01-27T19:03:00.000Z

Hafið þið spáð í afhverju við segjum "horfa á imbann"? Hvað þýðir orðið imbi?, það er að segja, af hvaða orði er það komið?
Einhver íslenskufræðingur í lesendahópnum?

Ég er enn að leita að einhverjum (helst karlmanni) til að hjálpa okkur mæðgum við flutning næstu helgi. Sigurvin og Leifi verða ekki í bænum og þar af leiðandi verður Kári einn um þetta nema að þessar hörku konur sem ég þekki sameinist um krafta sína og skelli sér í þetta með okkur. Trúi ekki að það vilji enginn hjálpa okkur.

Náð Drottins er ekki þrotin, miskunn hans ekki á enda, hún er ný á hverjum morgni, mikil er trúfesti þín!
Harm 3:22

2006-01-22T22:24:00.000Z

Get ekki beðið eftir að flytja. Er gjörsamlega að mygla hérna. Erum löngu byrjaðar að pakka og það eru kassar og dót út um allt. Ekkert almennilegt heimilislíf. Grafarholtið verður flott heimili.
Er ekki einhverjum sem dauðlangar að hjálpa til við að flytja laugardaginn 4. feb?

tíminn líður...

2006-01-22T16:25:00.000Z

Helgin búin. Finnst að við ættum að bæta föstudegi í frí líka, alltaf. Alltof stutt helgi. Fór í árgangahitting á Oliver á föstudag og átti þar góða stund með bekkjarfélögunum. Ýmislegt rætt og flest allt alveg ótrúlega fyndið. Mismunandi upplifanir á minningum og margt sem kom í ljós! Skutlaðist þaðan heim til Ölmu Ýr í stutt stopp og aftur niður í bæ, Celtic var ákvörðunarstaðurinn. Kom seint heim og vaknaði þar af leiðandi alltof seint og dagurinn næstum búinn.

Munið eitt, aldrei láta Stinna bjóða ykkur í mat nema hún sé búin að elda þegar þú kemur! Fór heim til Kristínar í mat í gær og endaði með því að elda sjálf. Eldaði samt ljúffengan pastarétt með því að týna út það helsta í ísskápnum hjá henni. Svo horfðum við á Júróvision og Það var lagið. Alltaf gaman að því. Eftir það kom Svava Blö og við spiluðum Kana. Eftir það var gamanið síður en svo búið og ég og Svava beiluðum á Kristínu;) og stungum af niður í bæ. Rúntuðum aðeins og kíktum á Victor og það var snilldin eina. Hittum íslenskan Dana sem lét okkur ekki í friði, Íraki reyndi við mig, Eysteinn og Kolbeinn björguðu okkur frá íslenska Dananum og Svava hitti George og talaði portugölsku hægri vinstri snú. Svo kom ég aftur alltof seint heim og vaknaði miklu meira seint í dag heldur en í gær og er að fara heim til Berglindar og klessast á sófann með henni.

pleh

2006-01-19T00:54:00.000Z

Var að passa áðan. Bað um góða nótt koss frá eldri dömunni og hún neitaði. Fór þá bara fram og sagðist íhuga að tala við hana aftur. Hún kom fram eftir sirka 47 sek og sagði "ok, þú mátt kyssa mig góða nótt ef að þú kemur og nuddar á mér fæturna". Tekið fram að daman er sex ára og strax hörð í samningaviðræðum. Held að hún hafi það frá föðurnum.
En annars eru þær alltaf jafn yndislegar og ég hlakka alltaf jafn mikið til hitta þær.

Gaf sjálfri mér gjöf. Gott tilefni enda 31. mánaða eins og ég sagði í fyrri pistli (alltaf gott að eiga afsökun fyrir peningaspendi). Keypti mér diskinn September með Begga Arelíusar. Nú er ég búin að hlusta á Never tear us apart svona tíu sinnum og I like Chopin álíka oft. Afhverju var ég ekki búin að kaupa diskinn fyrr? Hendi upp þeir sem fíla Bergsvein! Veit amk um eina hendi, Eva þú getur sleppt því að henda upp þinni. Sóldögg var án efa vinsælasta rúnttónlistin í Víkinni í kringum ´97. Nonni eini (er hann enn kallaður það? ekki svo einn lengur), Doddi og hmm já Þórir Heiðars voru líka dyggir hlustendur. Veit að þeir lesa ekki bloggið en rétti upp hönd fyrir þá.
Besta platan

Afmælisbarn dagsins er án efa Edda Katrín mín kæra vinkona. Hipp, kúl og hæfilega mikið, mjög mikið kærulaus þessi dama. twentythree my friend, twentythree years old today. Innilegar hamingjuóskir með daginn kona. Þú færð pakka ef að þú kemur suður!!